Роналдунинг футболкалари "Ювентус"га 6,5 млн. евро даромад келтирди

Ҳисоботга кўра, Турин клуби турнир бошланишидан аввал футболкаларнинг биринчи партиясини сотиб бўлди. Ёзги трансфер ойнасида Криштиану Роналдунинг харид қилинишидан сўнг атрибутика сотилиши сезиларли даражада ўсди. "Ювентус" 10 июлдан 5 августгача Роналду ёзуви туширилган 55 мингта футболка сотган. Италия клубининг савдодан тушган фойдаси 6,5 млн. евро. Футболкаларнинг янги партияси 2018 йил сентябрь ойида етиб келади.

Эслатиб ўтамиз, "Ювентус" Роналду трансфери учун "Реал"га 112 млн. евро тўлади. Футболчининг йиллик маоши 30 млн. евро.