Роналдунинг меҳмонхонаси Марокашда зилзиладан жабрланганларга бошпана берди

Эслатиб ўтамиз, бугун Марокаш жанубида жиддий зилзила содир бўлиб, 1000дан ортиқ киши ҳалок бўлди.

Марокашда бўлиб турган испаниялик турист қиз Ирен Сейшаснинг айтишича, Роналдунинг 4 юлдузли меҳмонхонаси Pestana Marrakech зилзиладан жабр кўрганларни қабул қилиб, уларга текин хизмат кўрсатмоқда.

Испаниялик қизнинг сўзларига кўра, воқеадан сўнг Марокашни тарк этмоқчи бўлганлар чипта харид қила олишмаган, чунки уларнинг барчаси сотилиб бўлган эди. Меҳмонхоналар билан ҳам вазият шундай бўлган.

"Қимматбаҳо меҳмонхоналар ҳудудига боришимизга тўғри келди. Кейин у ерда Криштиану Роналду меҳмонхонасини бизга бошпана беришига кўндирдик" - деди Сейшас.