Роналду янги рекорд остонасида: "Рекордларни яхши кўраман, менда улар кўп"
23 mar 2023 09:34
News

Роналду янги рекорд остонасида: "Рекордларни яхши кўраман, менда улар кўп"

"Ал Насср" футболчиси Криштиану Роналду терма жамоалардаги ўйинлар сони бўйича рекордни янгилаши мумкин.

Ҳозирда португалиялик футболчи терма жамоа миқёсида 196 та ўйин ўтказган. Қувайтлик Бадир ал Мутва ҳисобида ҳам шунча ўйин бор.

Бугун Португалия терма жамоаси Евро-2024 саралаши доирасида Лихтенштейнга қарши ўйнайди. Роналду агар бугун майдонга тушса, бу борада яққол рекордчига айланиб олади.

"Рекордлар доимо яхши. Бу менинг мотивациям. Рекордларни янгилашни яхши кўраман. Менда улар кўп. Бу сафаргиси эса махсус. Тан оламан, ўз натижаларим билан ғурурланаман.

Мен терма жамоадаги ўйинлар сони бўйича рекордчи бўлишни, шунингдек бу рекордни оширишни истайман. Агар менга имконият беришса, мен доимо тайёрман", - деди Роналду.

Link :

Source : Record

Receive latest football news directly on your phone. Subscribe for our Telegram channel!

Rating: +13