⚡️ Роналду ПСЖга қарши баҳсни сардор сифатида бошлайди. Месси, Мбаппе, Неймар келади, Машарипов эса …
16 jan 2023 09:15
News

⚡️ Роналду ПСЖга қарши баҳсни сардор сифатида бошлайди. Месси, Мбаппе, Неймар келади, Машарипов эса …

19 январь куни Ар-Риёдда “Ал Насср” ҳамда “Ал Ҳилол” юлдузларидан таркиб топган қўшма жамоа ПСЖга қарши ўртоқлик ўйини майдонга тушади.

Ижтимоий тармоқларда Криштиану Роналдунинг ушбу ўйин чиқарилган футболкадаги расми ва сардорлик боғичини тақаётган ҳолатдаги видеоси ва расмлари тарқалди. Биздаги маълумотларга кўра, Роналдунинг жамоадоши Жалолиддин Машарипов ҳам ПСЖга қарши баҳсда майдонга тушиши кутилмоқда.

Франция клуби матбуот хизмати берган хабарга кўра, Қирол Фаҳд номидаги халқаро стадиондаги ўйинга Лионель Месси, Килиан Мбаппе, Неймар, Серхио Рамос ва жамоанинг бошқа юлдузлари ҳам ташриф буюради.

Бўлажак учрашув Тошкент вақти билан 22:00 да старт олиши кўзда тутилган. ПСЖ берган маълумотга кўра эса трансляция 21:15 дан бошланади.

Маълумот ўрнида, “Ал Насср” кипери Давид Оспина “Аш Шабоб”га қарши (0:0) баҳсда жароҳат олиб, сафдан чиққан ва у ПСЖ билан ўйнамайди.

Link :

Source : Championat.asia

Receive latest football news directly on your phone. Subscribe for our Telegram channel!

Rating: +20