Роналду: "МЮ Лига кубогини ютиши мумкин, аммо ЕЧЛ, Европа Лигаси ёки АПЛ – қийин масала"

Криштиану Роналду "Манчестер Юнайтед" жамоасининг ҳозирги ва келажакдаги ҳолати ҳақида гапирди.

"Ишонаманки, клубнинг келажаги ёрқин бўлади. Бунга ишонаман. Бироқ, ҳаммаси фақат иқтидорли йигитларга боғлиқ эмас. Масаланинг кўлами жуда кенг. Гап клубнинг ўзида. Барчаси клубнинг қанчалик бир бутун эканлигига боғлиқ. Тушунтира олдимми?

Улар барчасини энг бошидан қуришлари керак. Буни қилишмаса, бошқалар билан рақобат қилиб бўлмайди. Рақобат шунчаки иложсиз бўлиб қолади.

МЮ яхши натижаларга эришиши мумкин, ҳа, Англия лига кубогини ютиши мумкин, аммо мен ЕЧЛ, Европа лигаси ёки АПЛ ҳақида гапиряпман. Бу қийин масала. Бу шахсий фикрим, гапим хато чиқса, хурсанд бўлардим. Лекин бу жуда қийин масала", -дейди Криштиану Роналду.