Роналду “Эвертон”га қарши ўйинда огоҳлантирилди, жароҳат олди ва мухлиснинг телефонини ерга улоқтирди
10 apr 2022 08:25
News

Роналду “Эвертон”га қарши ўйинда огоҳлантирилди, жароҳат олди ва мухлиснинг телефонини ерга улоқтирди

МЮ каби Криштиану Роналдунинг клубдаги ишлари жойида эмас.

“Эвертон” (0:1) га қарши ўйинда у 87-дақиқада сариқ карточка олди. Португалиялик майдонни оёғида жароҳат билан тарк этди.

Қайд этилишида, баҳс якунидан кейин Роналду трибуна йўлагида стадиондаги мухлислардан бирининг телефонини олиб, ерга ташлаб юборган. “Қизил иблислар” мазкур эпизодни ўрганиб чиқишмоқда.

Ҳужумчи ушбу ҳаракати учун ижтимоий тармоқларда ўша ишқибоздан узр сўради ва уни “Олд Траффорд”даги учрашувларга таклиф этди.