Роналду болакайга: "Реал"дан кетганимга ўзим ҳам афсусланаман"

Маросимнинг биринчи қисмида Роналду сўзга чиқди.

“Ушбу соврин музейимда энг яхши жойни эгаллайди. Мадрид – ажойиб шаҳар. Мен кўп шаҳарларга саёҳат қиламан, лекин, Мадриддеклари кўп эмас. Соврин Мадриддаги йилларимда орттирган тажрибамнинг самараси. Бу испанча соврин ва бу мен учун хурматдир. Уни қўлга киритишим учун менга ёрдам берган барчага раҳмат айтаман ва ғурурланаман. Ўйлайманки, яқин орада Мадридга қайтаман, - дейди Роналду.

Шундан сўнг, тадбирнинг иккинчи қисмида экслюзив тарзда ёш болакайлар португалиялик ҳужумчидан интервью олишди.

-ОАВдан ёлғонни яширсанг бўлади, лекин болалардан ҳеч нарсани яшира олмайсан!, дея сўз бошлади туринликлар аъзоси.

-Болалагингизда дунёнинг энг яхшиси бўламан деб ўйлаганмидингиз? Кўплаб совринларни ютишингизничи?

-Йўқ, ҳеч қачон ўйламаганман. Мен шунчаки, профессионал футболчи бўлишни хоҳлагандим.

-Кўпроқ Манчестерни соғинасизми ёки Мадридни?

-Менга иккаси ҳам етишмайди. Бироқ, оилавий шароитим  боис Мадридда кўп вақтимни ўтказдим. Шунингдек, бу ерда фарзандларим дунёга келди. Шу сабабдан, Мадридни бироз кўпроқ соғинаман.

-Европа чемпионатидаги муваффақият фаолиятингиздаги энг катта ютуқми?

-Барча совринлар муҳим, балки, буниси энг асосийсидир. Ватанинг учун ғалаба қозонишинг, бу навбатдаги соврин дегани эмас. Буни қийин эканлигини биласан. Эҳтимол, бу ғолиблик фаолиятимдаги энг муҳимидир.

-«Реал»дан кетганингиздан жуда ҳам афсусдаман …

-Мен ҳам.

-«Ювентус» бу йил ЕЧЛни қўлга киритадими?

-Буни билмайман. Ҳар сафаргидек ҳаракат қиламиз. Ўйлайманки, «Ювентус» ғолиб бўлади, - дея сўзини якунлади Роналду.