Роналду "Ал Шабаб" билан ўйиндан сўнг оператордан ғазабланди
29 jul 2023 17:59
News

Роналду "Ал Шабаб" билан ўйиндан сўнг оператордан ғазабланди

"Ал Насср" ҳужумчиси Криштиану Роналду Араб чемпионлар кубоги доирасида "Ал Шабаб"га қарши ўйиндан (0:0) норози бўлди.

Учрашув якунида 38 ёшли португалиялик майдонни жаҳл билан тарк этди, шунингдек, уни яқиндан тасвирга олган оператордан ҳам жаҳли чиқди. Форвард оператор томон сув сепди ва ундан бошқа ўйинчиларни тасвирга олишни сўради.

Бу Роналду гол урмаётган кетма-кет бешинчи ўйиндир.

Роналду "Ал Насср" сафида 2023 йилнинг қишидан бери тўп тепади. Саудия Арабистони клуби сафида 20 та ўйинда 14 та гол ва 2 та голли узатмага муаллифлик қилди.