Роналдо хайрия учрашувида хет-трик қайд этди
21 apr 2015 10:00
News

Роналдо хайрия учрашувида хет-трик қайд этди

Икки карра жаҳон чемпиони Роналдо Францияда ўтган хайрия учрашувида учта гол урди, деб хабар бермоқда ТАСС нашри.

"Қашшоқликка қарши ўйин"да Роналдо ва Зинедин Зидан дўстлари "Сент-Этьен"нинг ҳозирги ва собиқ юлдузларига қарши ўйнади. Ғарбий Африкадаги Эбола вирусига қарши кураш учун ташкил этилган ўйинда 9:7 ҳисобида "Сент-Этьен" ғолиб бўлди.

Роналдодан ташқари Давид Трезеге, Кларенс Зеедорф, Юрий Джоркаефф ва Жей-Жей Окоча каби юлдузлар гол уришди. Учрашувга жами 33913 томошабин келди. Чипталар 8-12 доллардан сотилди.

"Қашшоқликка қарши ўйин" илк бор 2003 йилда ташкил этилган. Шундан буён деярли ҳар йил бундай ўйин бўлиб ўтмоқда. Бундан олдинги ўйин 2014 йил Швейцариянинг Берн шаҳрида бўлиб ўтганди. Ўшанда "Янг Бойз" юлдузлар жамоасини 8:6 ҳисобида мағлуб этганди. Ўйиндан тушган 190 минг доллар пулларнинг барчаси Филиппинда юзага келган "Хайян" тўфонидан зарар кўрганларга берилганди.

Link :

Source : football.kulichki.net

Receive latest football news directly on your phone. Subscribe for our Telegram channel!

Rating: