Роналдиньо, Алексис... Сўнгги лаҳзаларда "ўғирлаб" кетилган 7 трансфер

ОАВ унинг трансфери борасида кўплаб маълумотларни тарқатади. Бироқ бошқа жамоага орага суқилиб, уни ўз томонига оғдириб олади. Қуйида биз шундай трансферлар ҳақида тўхталамиз.

Алексис Санчес, "Арсенал" - МЮ. "Манчестер Сити" қолиб кетди

Бунинг сирли томони йўқ. Гвардиола бир йил давомида Санчес билан гаплашиб борди ва у билан шартнома имзолашга интилди. Алексис "Арсенал"нинг етакчиси эди, уни "Эмирейтс" қаттиқ ҳурмат қиларди. Бироқ футболчи жуда кам совринга эга чиқаётганди. "Арсенал" ўз даражасини йўқотиб бораётган бир вақтда клубдагилар Санчес билан шартнома узайтирмади, Арсен Венгер Алексисни текинга қўйиб юборишни истамади. Аммо чилилик футболчи ўтган йилнинг ёзида жамоада қолди. Қишда "Сити" вакиллари футболчи билан музокара олиб бораётган бир вақтда орага "Юнайтед"дагилар борди. Улар Алексис ўрнига Генрих Мхитарянни беришга тайёрлигини айтишди. "Арсенал"дагилар эса пулни эмас, яхши савияли футболчини танлашди ва "рокировка" амалга ошди. Ҳозирда Санчес АПЛда энг кўп маош оладиган футболчилардан бири. Албатта, у "Юнайтед"да ҳали соврин киритганича йўқ. Бироқ МЮ салкам "Сити" футболчисини илиб кетишни уддалаганди.

Лукас Моура, "Сан-Паулу" - ПСЖ. "Манчестер Юнайтед" қолиб кетди

"Челси" Азар билан шартнома имзолаганидан кейин Фергюсон Б планга ўтди - Лукас Моура. Ўша вақтларда "Сан Паулу"нинг 19 ёшли вингери Бразилия термаси билан Олимпиада-2012да омадли иштирок этиб, ёзги трансферлар ойнасининг энг харидоргир футболчиларидан бирига айланганди. "Юнайтед"дагилар Моуранинг вакиллари билан бир неча бора учрашишди. Унинг ушбу жамоа сафига кўчиб ўтиши деярли аниқ бўлаётганди. Бироқ томонлар ҳатто 30 млн еврога ҳам келиша олишмади. Бразилия жамоаси "Юнайтед" вариантида ПСЖ туфайли воз кечди. Париж суперклуби Моура учун 42 млн евро тўлашга тайёрлигини билдирди. Оқибатда Лукас Францияга йўл олди.

Муҳаммад Салоҳ, "Базель" - "Челси“. "Ливерпуль" қолиб кетди

Мисрлик футболчи "Ливерпуль" таркибига анча йиллар олдин бориб қўшилиши мумкин эди. У 17 учрашувда 17 гол уриб, Брендан Рожерснинг эътиборига тушди ва 2014 йилда уни асосий трансфер режасига айлантирди. "Ливерпуль" футболчи учун 8 млн евро тўлашга тайёр эди. Бироқ яна бир даъвогар Жозе Моуриньо 12 млн евро таклиф қилди. Шу орқали "Ливерпуль"га ўтиши деярли ҳал бўлаётган Салоҳ "Челси" аъзосига айланди.

Криштиану Роналду, "Спортинг" - МЮ. "Арсенал" қолиб кетди

Яқиндагина Криштиану Роналдунинг трансфер тарихини ёзгандик. Ўшанда португалиялик футболчи "Реал"га ўтиши мумкинлиги айтилганди. Бироқ Роналду ўшанда "Арсенал" аъзосига айланишга яқин турганди. Буни Арсен Венгернинг шахсан ўзи маълум қилганди. Ўшанда Карлуш Кейруш Криштиануни "Манчестер Юнайтед" томонига оғдириб олганди.

Дэвид Бекхэм, МЮ - "Реал“. "Барселона" қолиб кетдиБекс "Юнайтед" таркибида кўплаб совринларга эга чиқди. Бироқ 2003 йилда жамоада низолар кўпайиб кетди. Бундаги асосий роль Фергюсонга тегишли бўлди. Сер Алекс футболчисининг юзига бутсани отди. Шундан кейин ярим ҳимоячи билан "Барселона" музокараларни бошлаб юборди. Ишлар ўхшаб турган бир вақтда "Реал" ҳам футболчи, ҳам клуб учун яхши таклиф билан чиқди. Бекхэм Мадридга йўл олди.

Ромелу Лукаку, "Эвертон" - МЮ. "Челси" қолиб кетдиЯна МЮ ва яна Жозе вазият қаҳрамони. Бир вақтлар Лукаку Жозенинг "Челси"сига керак бўлмаганди, бироқ у Контенинг ғояларига мос тушарди. Диего Коста жамоадан кетганидан кейин "аристократ"ларга ҳужумчи керак эди ва бунда Лукаку асосий вариантлардан бирига айланди. Кўпчилик Мората МЮга, бельгиялик эса "Челси"га ўтиши кутилганди. Аввалига Лукаку "Челси"га ўтаётгандек кўринганди. Бироқ барчаси бошқача тус олди. МЮ форвард учун 85 млн фунт тўлади ва ўз сафига қўшиб олди.

Роналдиньо, ПСЖ - "Барселона“. МЮ қолиб кетдиСер Алекс эса Роналдиньонинг МЮга ўтишига деярли ишонч ҳосил қилиб, унинг ватандоши Клеберсонни жамоасига трансфер қилганди. У орқали Роналдиньо Манчестерга тезроқ мослашиб олишини мўлжаллаганди.

Аммо Лапорта Бекхэм туфайли Фергюсондан хафа бўлди. МЮ бразилияликнинг трансфери учун "Барселона"дан кўпроқ маблағ таклиф қилди. Бироқ Роналдиньо Лапортага ваъда бергани учун "Барселона"га ўтди. У ушбу клуб таркибида "Олтин тўп"ни қўлга киритди, афсонавий футболчига айланди.

Миржалол Норматов таржимаси