"Рома" тез орада Дибала билан шартнома имзоланганини эълон қилмоқчи

Журналист Николо Скиранинг хабарига кўра, расмий маълумот яқин соатларда берилади. 28 ёшли аргентиналик римликлар билан бир йилга узайтириш имконияти билан 2025 йилнинг июнь ойи сўнггига қадар мўлжалланган шартномага имзо чекади. Футболчи йилига 4,5 миллион евро маош олади ва иштироки орқали яна 1,5 миллион евро ишлаши мумкин.

Шартномада 20 миллион евролик товон пули ёзилади. Форвард жамоада 21-рақам остида иштирок этади.

Дибала 1 июлдан бери эркин агент мақомида юрибди, аргентиналикнинг собиқ клуби "Ювентус" ҳужумчи билан шартномани узайтирмади. Ўйинчи ўтган мавсум барча мусобақаларда 39та ўйинда майдонга тушиб, 15та гол ва 6та ассист қайд этди.