"Рома" етакчиларидан бири жиддий жароҳат олди (16+)
13 jan 2020 14:09
News

"Рома" етакчиларидан бири жиддий жароҳат олди (16+)

Кеча тунда Италия А Серияси 19-тури доирасида "Рома" жамоаси "Ювентус"ни қабул қилди.

Римдаги "Олимпико" стадионида ўтган беллашувда 2:1 ҳисобида меҳмонлар ғалаба қозонишди.

Roma

Diego Perotti - 68'

Serie A . Round 19

12/01/2020, 23:45

Finished

Juventus

Merih Demiral - 3', Cristiano Ronaldo - 10'

Stadium: Stadio Olimpico, Rome, 60513 spectators

Referee: Marco Guida

45'

90'

Open in Match Center

Учрашувнинг 31-дақиқасида мезбонлар етакчиларидан бири Николо Заньоло жиддий жароҳат олди. "Юве" ҳимоячиси Маттейс де Лигт билан тўқнашувдан сўнг кучли оғриқдан бақириб юборган Заньоло майдонни кўзларида ёш билан тарк этди.

"Рома" матбуот хизмати берган хабарга кўра, Николонинг ўнг тизза олд пайлари узилган. Ярим ҳимоячи Римда жойлашган "Вилла Стюарт" (Villa Stuart) спорт клиникасига олиб кетилган ва бугун операция қилиниши керак.

Тахминларга кўра, бундай жароҳатдан кейин тикланиш учун 6 ойдан 9 ойгача вақт кетади. Заньоло мавсумнинг қолган қисмини ўтказиб юборади ва катта эҳтимол билан Евро-2020да ҳам иштирок эта олмайди.