«Рома» Бенатияни 13,5 миллион еврога сотиб олди

26 ёшли футболчи «Рома» билан 2018 йилнинг 30 июнига қадар шартнома тузди.

Марокаш терма жамоаси аъзосининг трансфери учун римликлар 13,5 миллион евро тўлашди. Мана шу трансфер ичида «Рома» «Удинезе»га икки нафар ёш ўйинчисини бериб юборди: ярим ҳимоячи Валерио Верре (2,5 миллион евро) ва ҳужумчи Николас Лопес (1 миллион евро).

Бундан ташқари, «Рома» Польшанинг «Гурник» клуби дарвозабони Лукаш Скорупскини 0,89 миллион еврога сотиб олди. Ушбу футболчи билан эса 2017 йилга қадар шартнома тузилди.