Рожерио Микале: "Мисрликларнинг жанговар руҳи Ўзбекистонни мағлуб этишда ҳал қилувчи роль ўйнади"

"Мисрликларнинг жанговар руҳи Ўзбекистондек кучли жамоани мағлуб этишда ҳал қилувчи рол ўйнади.

Ўзбекистон терма жамоаси ажойиб авлодга эга. Улар 4 йилдан бери турнирга тайёргарлик кўришди, уларда кучли лигаларда тўп тепадиган бир гуруҳ профессионал футболчилар мавжуд.

Шунга қарамай, биз кучли ўйин намойиш қилдик ва Олимпиаданинг кейинги босқичига йўлланмани қўлга киритиш йўлида муҳим ва керакли 3 очкони қўлга киритдик.

Доминикан Республикаси ва Ўзбекистонга қарши ўйинларда баъзи қийинчиликларга дуч келдик, аммо ўйинчилардаги жасорат мағлубиятга учрашга йўл қўймади. Биринчи турдан сўнг бизда босим бор эди, Ўзбекистонга қарши ўйиндан сўнг буни бартараф этдик.

Олдинда Испанияга қарши қийин ўйин кутиб турибди, чунки рақиб кучли, уюшқоқ ва тезкор жамоа ҳисобланади.

Курашни давом эттирамиз, ўз орзуларимиз сари олға борамиз ва турнир сўнгига қадар етиб боришга ҳаракат қиламиз", - деди бразилиялик мутахассис.

Эслатиб ўтамиз, Миср терма жамоаси икки турдан сўнг 4 очко эгаллаган ҳолда гуруҳда 2-ўринни эгаллаб турибди.