Роберто Карлос: “Хамес — феномен. Барчадан бироз сабр қилишларини сўрайман”

“Хамес — феномен. Мен унга жуда ҳам боғланиб қолганман. Одамлардан бироз сабр қилишларини сўрардим. У майдонга тушган вақтларида жуда яхши ўйнайди. Хамес учун жуда кўп нарса ўзгарди, аммо энг асосийси у ҳамон ўзига ишонишда ва машғулотларда аввалгидек ҳаракат қилмоқда. Мухлислар ҳам уни жуда яхши кўради. Ахир Хамес ажойиб ўйинчи. Унга вақт беринг. Жамоада 11 эмас, балки 25 ўйинчи бор”, — дейди Карлос.

Эслатиб ўтамиз, Хамеснинг хизматларига “Эвертон”, “Ювентус” ва “Атлетико”дан қизиқиш бор.