Роберт Варела: "Илк вазифа бажарилди, чорак финалдамиз"

“Австралия учун яхши натижа. Бўлди кейинги босқичга чиққанимиздан хурсандман. Тўпни ўзимизда ушлаб туриб ҳужумга ўтишни уддалай олдик”,- дейди мураббий.

- Ўтган ўйинда шогирдларингиз тез киришиб кета олмадик дегандингиз. Бу сафарчи?
- Ўтган сафарги хатолардан тўғри хулоса чиқариб бугунги баҳсга тайёргарлик кўргандик. Тезкор голлар уридик.

- Жамоа 2та ўйинда 2та ғалабага эришди. Аммо шогирдларингиз бироз оғирроқ ўйнамоқда. Балки кейинги учрашувларда бу нарса ўзгарар?
- Албатта жамоамда 10 нафар бир хил кучдаги футзалчи бўлишини истардик. Аммо чиройли ва тез ўйнаб ютқазса бундан фойда йўқ. Асосий мақсадимиз Жаҳон чемпионатига чиқиш. Натижа муҳим, ҳозирча чорак финалга чиқдик. Аввалги ўйинга қараганда чиройлироқ ўйнадик. Бугун менимча турнирнинг энг чиройли голларидан бирини урдик.

- Бугун Австралия сафида энг яхши ўйинчи дарвозабон бўлди деган фикрга қўшиласизми?
- Футзал жамоавий ўйин. Тўғри дарвозабонимиз яхши ўйнади. Лекин алоҳида битта футзалчини алоҳида кўрсата олмайман.

- Кейинги ўйинда Япония билан ўйнайсизлар. Бу учрашувдан нима кутаяпсиз?
- Мақсадимиз чорак финалга чиқиш эди. Япония билан баҳсда сариқ карточкалари бор ва жароҳатланган футзалчиларга дам берармиз. Тўғри нариги гуруҳда Таиланд бор. Улар билан бир неча бор тўқнаш келганмиз. Агар улар билан чорак финалда ўйнасак ютишга ва мундиалга чиқишга ҳаракат қиламиз.

Нарзулла Сайдуллаев