Роберт Мартинес: "Евронинг энг кучли термалари чорак финалда тўқнаш келаётгани афсусланарли"

"Азар ва де Брюйне бугунги машғулотларни эртароқ якунлади. Сўнгги қарор эртага охирги дақиқаларда қабул қилинади.

Эденнинг соғлиғида ижобий томонга ўзгаришлар бор, аммо бу эртага ўйинга тушиши учун камлик қилиши мумкин. Кевин билан ҳолат эса бошқача. У ўзини яхши ҳис қиляпти. Эртага эрталаб унинг ҳолатига баҳо берамиз.

Италия - ажойиб, жанговар жамоа. Улар тез ўйнашади ва яхши прессинг уюштиришади. Статистика нуқтаи назаридан Италия ва Бельгия - Евро-2020нинг энг яхши термалари. Иккисининг ҳисобида 4тадан ғалаба бор.

Уларни ҳурмат қиламиз, эртанги ўйиндан эса нафақат мухлислар балки, футболчиларим ҳам роҳат олишлари керак.

Аммо турнирнинг шундай қисмида энг кучли термалар тўқнаш келаётгани бироз афсусланарли. Италия ўзининг ДНКсини йўқотмаган ҳолда замонавий футболни уйғунлаштирмоқда. Барчасини кичик деталлар ҳал қилиши мумкин", - деди Мартинес.