Решфорд "Барса"да ўйнаш учун маошини қисқартиришга ҳам тайёр

Маркус Рэшфорд "Барселона"да ўйнаш учун маошини камайтириши мумкинлигини билдирди.

Маrcа нашрининг хабар беришича, "МЮ" ҳужумчиси Ла Лигада, хусусан "блауграна" сафида ўйнашни истайди ва атрофидагиларга аллақачон "Барселона"ни карерасини давом эттириш учун энг маъқул вариант деб билишини айтган. Каталония клубига ўтиш учун Рэшфорд ён беришга, жумладан, маошини қисқартиришга ҳам рози.

Taъкидланишича, ҳозирги вақтда Рэшфорд "Барселона"нинг ҳужум чизиғини кучайтириш учун устувор вариант эмас - каталонияликлар Луис Диас ва Нико Уильямс номзодларини афзал кўрмоқда. Шундай бўлса-да, "Манчестер Юнайтед" ҳужумчиси "Барса"га ўтиши мумкинлигига ишонмоқда. Бунга унинг клубда ўйнаш истаги ва "кўк-анорранглилар" устувор деб билаётган футболчиларга нисбатан арзонроқ трансфер нархи сабаб бўлиши мумкин.

Ўтган мавсумнинг иккинчи ярмини 27 ёшли ҳужумчи "Астон Вилла"да ижарада ўтказди. У АПЛдаги 25 та ўйинда 6 та гол уриб, 3 та голли узатма берди.