"Реал" ёзги трансферлардан воз кечди

Мадриднинг "Реал" клуби яқин трансферлар ойнасида янги футболчиларни харид қилмайди.

"Қироллик клуби" коронавирус пандемияси сабаб келиб чиққан молиявий инқироз туфайли ҳеч қандай битимларни амалга оширмайди. "Реал" барча трансферларни 2021 йилга қолдиради.

Аммо, Мадрид клуби ўз ўйинчиларини сотишга қарши эмас. "Қаймоқранглилар" "Эвертон" қизиқиш билдирган Хамес Родригесга 40 миллион евро миқдоридаги нарх белгилашди.