Latest news

13:50Расмус ўрнига Уоткинс? МЮ ҳужумида ўзгаришлар кутилмоқда  0 13:25"Динамо" легионери узоқ муддатга сафдан чиқди  0 12:51Алонсонинг биринчи қурбони: "Реал" мураббийи ҳимоячилардан биридан воз кечди  1 12:23"Динамо" етакчиларидан бири жиддий жароҳат олди. У Туркияда операция қилинади  2 11:57"Машъал" 3 нафар футболчиси билан шартномани узайтирди  0 11:30Ибрагимович Мессининг жамоадошларини танқид қилди: "У ҳайкаллар билан ўйнамоқда"  15 10:40"Астон Вилла" бир қатор футболчилар билан хайрлашди  0 10:12Лионель Месси кежалаги борасида бир қарорга келди  19 09:55КЖЧ. "Ал Ҳилол" тўртта гол уриб, "Манчестер Сити"ни мусобақадан чиқариб юборди  43 09:43ОКМК дарвозабони жамоани тарк этишга яқин  1 09:10"Ким қолишни истамаса, хайр!". "Интер" сардори Лаутаро ЖЧни тарк этганига муносабат билдирди  6 08:44Сенсация! "Ал Ҳилол" даҳшатли ўйинда "Манчестер Сити"ни мағлуб этди ва кейинги босқичга йўл олди  102 08:20Суперлига. 15-тур баҳсларининг бошланиш вақтлари маълум  1 07:40Криштиану Роналду: "Бу аллақачон ўтмиш"  19 04:34"Манчестер Сити" — "Ал Ҳилол". Таркиблар маълум  67

"Реал" ярим ҳимоясини кучайтира оладиган ТОП-3 трансфер News

"Реал" ярим ҳимоясини кучайтира оладиган ТОП-3 трансфер

"Реал" бош мураббийи Зинедин Зидан ўрта чизиқни кучайтиришни хоҳлайди.

У аллақачон бу жараённи аста-секин бошлаб юборган. Масалан, Федерико Вальверде Лука Модричга қараганда кўпроқ дақиқаларга эга. Эҳтимол, Поль Погбанинг ёзда Мадридга келиши билан барчаси яхши якун топар.  Лекин ёзгача ҳали вақт бор: яна олти ой ва қишки трансфер бозори. "Реал"да ярим ҳимояни кучайтириш учун қуйидаги вариантлар бор.


Кристиан Эриксен

Кристиан Эриксеннинг "Тоттенхем" билан шартномаси келаси йил ёзда якунланади. Клуб президенти Дэниэл Леви қайғули ҳолатга дуч келади, чунки 100 миллион еврога тенг ўйинчи бепулга кетиб қолиши мумкин. Леви буни хоҳламайди ва Эриксен "Реал"га ўтишни кўпдан бери орзу қилганини инобатга олган ҳолда "Тоттенхем" қишки трансфер ойнасида уни сотиб юбориши мумкин.

Яқинда Лондон жамоаси Флорентино Пересдан даниялик учун 250 миллион евро талаб қилди, аммо энди 100 миллион евродан паст бўлган суммага мурожаат этилиши эҳтимоли юқори. Бу "Тоттенхем", "Реал" ва ишбилармонлик юзини сақлаб қолишга интилаётган Леви учун идеал юриш бўлади. Аммо инглиз клуби президенти Жозе Моуринью ёрдамида Эриксенни сақлаб қолиш умидини ҳали ҳам йўқотмаган.


Фабиан Руис

Флорентино Пересда ҳам, Зинедин Зиданда ҳам бир хил даражада таассурот қолдира олган футболчи. Аммо асосийси бу эмас, "Барселона" Фабиан Руисни ўзига оғдирмоқчи, у ёши ўтиб бораётган Серхио Бускетснинг ўрнига таклиф этилади. Шу сабабли, "Реал" рақибдан илгарилаб кетиш йўлларини излайди ва эҳтимол қишда ярим ҳимоячи учун яхши таклиб билан чиқишга ҳаракат қилади. Бироқ буни амалга ошириш жуда қийин бўлади: "Наполи" эгаси Аурелио Де Лаурентис, юмшоқ қилиб айтганда, ўзига хос нозик дидли инсон ва унинг "бланкос" билан муносабати ҳеч қачон илиқ бўлмаган.

Маълумки, "Барса" битта ёки иккита ўйинчини потенциал келишувга қўшишга тайёр ва Де Лаурентис бу ёндашувдан манфаатдор. "Реал" пулдан бошқа ҳеч нарса таклиф қилишни хоҳламайди, Зидан эса Йовични трансфер таклифига қўшишга рози.


Донни ван де Бек

Ушбу футболчи учун Флорентино Перес ўтган ёзда аллақачон музокаралар олиб борган. Мадридликлар Погба билан шартномани келиша олишмаганди, кейин ван де Бек асосий номзодга айланди. У билан ҳам келишув амалга ошмади.  Аммо жамоалар келаси ҳафта трансфер муҳокамасига қайтишга тайёр. 

Ярим ҳимоячи ҳақида Зинедин Зидан илиқ фикрда. Мураббий ўйинчининг техник ва жисмоний чидамлилигини юқори баҳолайди.


Шундай қилиб, "Реал" ҳар қандай ҳолатда ҳам қишки трансфер бозорида фаол бўлади. Уч ҳафтадан сўнг, "қироллик клуби" яна бир янги юлдуз билан шартнома тузганлигини эшитишимиз мумкин.


Шерзод Нурматов тайёрлади.

Rating: +5   

Comments

championat.asia
< show latest news
Яндекс.Метрика