"Реал" ТВ: "ВАР бўйича "Реал"нинг натижаси -27, "Барселона" ва "Атлетико" "плюс"да"

"Реал" ТВда ҳакамлар танқид қилинган навбатдаги видео чиқди. Унда ВАР тизими ишга солинганидан бери (2018 йил) "Реал" қарорлардан энг кўп азият чеккан жамоалиги айтилган.

"Реал" ТВ маълумотларига кўра, Испанияда ВАР жорий қилинганидан бери 109 марта видеоассистентга мурожаат қилинган. Ушбу мурожаатларнинг 41таси "Қироллик клуби" фойдасига, 68таси эса зарарига ишлаган.

"Реал"нинг ВАР қарорлари бўйича баланси -27 эканлиги айтилган.

"Қаймоқранглилар"нинг асосий рақиблари - "Барселона" ва "Атлетико"да эса баланс "плюс"да. +4 ва +9.

Роликда ВАР орқали голлари энг кўп бекор қилинган жамоа "Реал" эканлиги айтилган (32та). Кейинги ўринларда "Севилья" (19) ва "Атлетико" (17).

"Бу ҳакамлик тизими испан футболи обрўсига путур етказишда давом эьтмоқда" - дейилади видеода.