"Реал" қишда катта трансферларни амалга оширмоқчи

Мадридликларнинг бош трансфер мақсади "Боруссия" (Дортмунд) форварди Эрлинг Холанд ҳисобланади. "Реал" ўйинчи учун 75 млн евро, шунингдек Лука Йовичнинг икки йиллик ижарасини таклиф қилиши мумкин.

"Реал" шунингдек "Ренн" ўйинчиси Эдуардо Камавингганинг хизматларига қизиқмоқда. "Қироллик клуби" "Ренн"га 50 млн еврони таклиф қилиб, битимга шунингдек Мариано Диасни қўшиши мумкин.

Холанд "Боруссия"га "РБ Зальцбург"дан 20 млн евро эвазига ўтган эди. Футболчи жорий мавсум Германия чемпионатида 6та ўйинда майдонга тушиб, 6та гол ва 2та ассист қайд этди.

Камавинга эса Франция чемпионатида 8та ўйинда 1та гол уришга эришган.