"Реал" португалиялик футболчини нишонга олди
17 apr 2024 13:34
News

"Реал" португалиялик футболчини нишонга олди

"Унион" ҳимоячиси Диогу Лейте бошқа клубга ўтиши мумкин.

Журналист Руди Галеттининг хабарига кўра, португалиялик футболчининг трансферига икки клуб қизиқиш билдирмоқда. Гап Мадриднинг "Реал" ва Леверкузеннинг "Байер" клублари ҳақида кетмоқда. Лейтенинг ўзи эса мавсум сўнггида жамоасини ўзгартиришга тайёр. "Унион" яхши пул таклиф қилинса ўйинчининг кетишига қарши эмас.

Футболчининг трансфер нархи 15 миллион еврога баҳоланмоқда. Ҳимоячи жорий мавсум Германия чемпионатида 27та ўйинда майдонга тушди ва 6та сариқ карточка олди.