"Реал" "Монако"га Хамес учун 75 млн. евро тўлаган
04 apr 2016 13:45
News

"Реал" "Монако"га Хамес учун 75 млн. евро тўлаган

Football Leaks "Реал" футболчиларининг битимидаги шартларни ошкор қилишда давом этмоқда.

Бу сафар "Монако"дан "Қироллик клуби"га ўтган Хамес Родригес маълумотлари эълон қилинди.

Маълумотларга кўра, қаймоқранглилар монегаскларга Хамес учун 75 млн. евро тўлаган. Тўлов уч муддатда амалга оширилган ва ҳар сафар "Реал" 25 млн. евродан "Монако" ҳисобига пул ўтказиб бериши керак бўлган. Испан гранди жорий йилнинг июль ойигача яна 25 млн. евро тўлаши лозим. Бундан ташқари, агар "Реал" Чемпионлар лигаси йўлланмасини қўлга киритса, "Монако" ҳар мавсум 1 млн. евродан ишлаб олади. Аммо бу борада маълум чегаралар бор ва "Қироллик клуби" Чемпионлар лигаси учун монегаскларга 5 млн. евродан ортиқ тўламайди. Шу билан бирга, агар Хамес "Олтин тўп" учун асосий уч даъвогардан бири бўлса, "Реал" яна 5 млн. евро тўлайди. Родригес йилнинг энг яхши футболчисига айланса, "Қироллик клуби" яна шунча маблағни "Монако" ҳисобига ўтказиб беради.

Link :

Source : championat.com

Receive latest football news directly on your phone. Subscribe for our Telegram channel!

Rating: +1