"Реал" Модрич билан келишиб олди
22 feb 2019 13:44
News

"Реал" Модрич билан келишиб олди

"Реал" ярим ҳимоячиси Лука Модрич Мадрид клуби сафида тўп тепишда давом этади.

"Marca" нашрининг маълум қилишича, томонлар шартномани 2021 йилнинг 30 июнига қадар узайтириш борасида келишиб олишди. Футболчи 36 ёшигача "Реал"да ўйнайдиган бўлди.

Бундай ҳолатда Модрич олдин хабар қилинганидек клубни ушбу ёзда тарк этмайди. Унинг амалдаги шартномаси 2020 йилнинг ёзида ниҳоясига етади.

Хабар қилинишича, "Реал" президенти Флорентино Перес хорват фаолиятини Мадридда якунлашини хоҳламоқда. Бунинг учун ўйинчининг маошини ҳам оширади.