"Реал" "Манчестер Сити"нинг икки футболчиси учун 280 млн. евро сарфламоқчи

Маълумотларга кўра, "қаймоқранглилар"нинг рўйхатида "Манчестер Сити"нинг баъзи футболчилар киради, улар орасида ярим ҳимоячилар Лерой Сане ва Кевин Де Брюйне бор. Мадридликлар бу футболчилар учун умумий олиб ҳисоблаганда 280 млн. евро (200 млн. евро+80 млн. евро) тўлашга тайёр. "Реал" Рахим Стерлинг ва Жон Стоунсни ҳам кузатяпти, бироқ "Қироллик клуби" уларни ёзда сотиб олиш эҳтимоли паст. "Сити" ўз етакчилари билан хайрлашиш ниятида эмас ва Мадрид клубига рад жавоби бермоқчи.

Жорий мавсум 26 ёшли Де Брюйне АПЛнинг 34та учрашувида 8та гол урди ва 15та голли пас берди, Лерой Сане эса 28та ўйинда 9та голга муаллифлик қилди ва 12та голда ассистент вазифасини бажарди.