"Реал Мадрид"нинг ёздаги асосий нишони ким?

Манбага кўра, ушбу ўйинчи "Боруссия" Дортмунд футболчиси Жуд Беллингемдир. "Қироллик клуби" англиялик ёш иқтидор эгаси билан алоқага чиққан ва амалдаги жамоаси билан шартнома муддатини узайтирмаслигини сўраган. Беллингем ҳам бунга рози бўлган. У "Манчестер Сити", "Манчестер Юнайтед", "Ливерпуль" ва "Реал" вариантлари орасидан айнан Мадрид клубини танлаган.

Беллингемнинг немис клуби билан тузган битими 2025 йил июль ойига қадар амалда бўлади. "Transfermarkt" портали ярим ҳимоячининг нархини 90 млн еврога баҳоламоқда. Аввалроқ, "Боруссия" уни 150 млн дан камига сотмаслигини маълум қилган эди.