"Реал Мадрид" ва ПСЖ 2 январь куни ўртоқлик учрашуви ўтказади

Учрашув Катар пойтахтидаги "Халифа Стэдиум"да бўлиб ўтади. Бу ҳақда клублар италиялик мураббий Карло Анчелотти Франция пойтахтини Мадридга алмаштираётган вақтда келишилганди.

Учрашув чипталари нархи 20 ва 30 евродан (оддий жойлар). VIP сектор билетларининг нархи эса 60 евро қилиб белгиланган. Бугунги кунга келиб ҳеч қайси испан телеканали ушбу баҳс намойиши ҳуқуқини сотиб олмаган.

ПСЖ билан ўйин Карло Анчелотти шогирдлари учун мавсумнинг жуда қийин ва маъсулиятли қисмидан аввал тайёргарлик кўриб олиш учун фойдали бўлиши кутилмоқда. Чунки 6 январь куни "Реал" "Сантьяго Бернабеу"да "Сельта"ни қабул қилади ва орадан 3 кун ўтиб (9 январь) "Осасуна" жамоасига қарши Қирол Кубогининг жавоб учрашуви бўлиб ўтади.