"Реал Мадрид" аргентиналик футболчисини жаҳон чемпионатига қўйиб юбормоқчи эмас

Мадридликларнинг ёшлар жамоаси ҳисобланган "Кастилья" аргентиналик ярим ҳимоячи Нико Пазни 20 ёшгача бўлган футболчилар ўртасидаги жаҳон чемпионатига қўйиб юбормоқчи эмас. Испан жамоаси футболчини асосий ўйинларга керакли деб ҳисобламоқда.

Шунингдек, "Кастилья" Альваро ҳамда Винисиус Тобиасга ҳам мундиалда иштирок этиш учун рухсат бермоқчи эмас.

Қайд этилишича, аргентиналиклар устози Хавьер Маскерано Мадридда боплиб турибди ва клуб раҳбарияти билан Паз масаласида учрашмоқчи.

Эслатиб ўтамиз, Аргентина жаҳон чемпионатида Ўзбекистон ёшлари билан бир гуруҳдан ўрин олган.

Аввалроқ Александро Гарначо U-20 жаҳон чемпионатида иштирок этиши учун Англия кубоги финалидан воз кечмоқчи эканлиги ҳақида хабар берилганди.