“Реал" "Лейпциг" билан ўйинга тўғридан-тўғри рейс билан учмади. Сабаби маълум
13 feb 2024 17:10
News

“Реал" "Лейпциг" билан ўйинга тўғридан-тўғри рейс билан учмади. Сабаби маълум

Мадриднинг "Реал" клуби аэропортдаги иш ташлаш туфайли "Лейпциг"га қарши ўйин маршрутини ўзгартирди.

Якшанба куни Лейпциг ва Дрезден аэропортлари ходимлари Верди касаба уюшмасининг чақириғидан кейин иш ташлаш эълон қилди. Бунга Mitteldeutsche Airport AG ходимларига иш ҳақини ошириш ва 3000 евро миқдоридаги инфляция компенсациясини тўлашдан бош тортгани сабаб бўлди. Натижада Лейпциг аэропортида 100 дан ортиқ йўловчи рейслари бекор қилинди.

"Marca" нашрининг ёзишича, Лейпцигга қўниш имкони бўлмагани учун "Реал" самолёти Эрфуртга қўнди. Мадрид жамоаси қолган 160 км йўлни автобусда босиб ўтди.

Бугун Чемпионлар Лигасининг 1/8 финали доирасидаги "Реал" ва "Лейпциг" жамоалари ўртасидаги илк учрашув бўлиб ўтади. Мадриддаги жавоб ўйини эса 6 март куни ўтказилади.

Link :

Source : Marca

Receive latest football news directly on your phone. Subscribe for our Telegram channel!

Rating: +5