“Реал” “Барселона” рекордини янгилади
13 jan 2017 03:50
News

“Реал” “Барселона” рекордини янгилади

Испания кубогида “Севилья” билан дурангга (3:3) эришган “Қироллик клуби” барча турнирлардаги мағлубиятсиз сериясини 40 та учрашувга етказди.

Бу билан мадридлик футболчилар испан жамоалари учун янги рекордни ўрнатишди. Аввалги рекорд 39 та ўйинни мағлубиятсиз ўтказган “Барселона”га тегишли эди.

“Севилья”га қарши баҳсда мадридликлар 83-дақиқага қадар 1:3 ҳисобида имкониятни бой беришаётган эди. Дастлаб Серхио Рамос пеналтидан ҳисобни қисқартирган бўлса, қўшиб берилган дақиқаларда Карим Бензема мувозанатни тиклади.

“Реал” футболчилари охирги марта 2016 йилнинг 6 апрелида Чемпионлар лигаси плей офида “Волфсбург”га (0:2) имкониятни бой беришганди. Шундан буён жамоа 30та учрашувда ғолиб чиқиб, 10та баҳсда дуранг қайд этди.

Link :

Source : Opta

Receive latest football news directly on your phone. Subscribe for our Telegram channel!

Rating: +44