"Реал" АПЛ клуби бош мураббийига қизиқиш билдирмоқда

Маълумотларга кўра, Мадрид клуби вакиллари аргентиналик мутахассис яқинлари билан боғланишган, Почеттино ҳам "Реал"да иш бошлашга қизиқмоқда.

Почеттино ва "Тоттенхэм" ўртасидаги битим 2021 йилда якунига етади ва унда келишувни муддатидан аввал якунлаш банди йўқ. Испан гранди мутахассисни "Реал"га олиб кетиш учун "шпорлар" эгаси Даниэль Левини кўндириши лозим. "Тоттенхэм"дагилар аргентиналик билан хайрлашишга тайёр эмас, чунки Лондон клуби ўз таркибида Гарри Кейн, Деле Алли ва Уго Льорисни сақлаб қолмоқчи. Почеттино жамоани тарк этса, футболчилар ҳам бошқа клубга ўтишни истаб қолиши мумкин.

"Реал" бош мураббийи Зинедин Зиданга бўлган босим ортмоқда ва маълум бўлишича, Почеттино унинг ўрнига келадиганлар рўйхатида биринчи ўринда.