Latest news

11:20Ўзбекистон U-17 нега саралашда ўйнамайди?  1 10:43Кэрни Чуквуэмеки фаолиятини Бундеслигада давом эттиради  1 10:15"Тоттенхэм" "Ман Сити" футболчисини қўлга киритиш учун нархни кўтарди  0 10:03Бугун "Севинч" Осиё Чемпионлар Лигаси гуруҳ босқичига чиқиш йўлланмаси учун майдонга чиқади  0 09:48Эдегор ва Саканинг жароҳати ҳақида маълумот берилди  2 09:22Пролига. Бугун дерби бўлиб ўтади  1 08:54"Байер" "Манчестер Сити" футболчини қўлга киритишга яқин  0 08:25Кечаги дурангдан сўнг Аморим нималар деди?  5 07:56Sofascore. Кечаги учрашувда дубл ассист қилган Ғаниев неча баҳо олди?  1 07:31Ўзбекистон кубоги. Бугун илк ярим финалчи аниқланади  6 02:27Ла Лига. "Реал Мадрид" меҳмонда "Реал Овьедо"ни йирик ҳисобда таслим этди  68 01:53А Серия. "Ювентус" "Парма"ни ишончли ҳисоб билан таслим этди, "Аталанта" эса ўз уйида "Пиза"ни юта олмади  4 00:34Байиндир — МЮ таркибида АПЛнинг икки турида яққол голли вазият яратган ягона футболчи  5 22:28АПЛ. "Манчестер Юнайтед" Лондонда "Фулхэм" билан дуранг ўйнади  34 21:40БАА Про лигаси. "Ал Батаэҳ" ўз уйида "Хорфаккан"ни мағлуб этди, Ғаниевдан иккита ассист  4

"Реал" 11 ойдан бери "Бернабеу"да 15 млн. евро даромад келтириши кутилаётган бар-ресторанни очолмаяпти News

"Реал" 11 ойдан бери "Бернабеу"да 15 млн. евро даромад келтириши кутилаётган бар-ресторанни очолмаяпти

"Реал" стадиони томи остидаги бар пудратчи билан муаммо туфайли очилмаяпти.

Мадрид клуби ўтган мавсумда "Сантьяго Бернабеу"да SkyBar номли бар-ресторан очишни режа қилган эди, бироқ унинг ишга тушиш санаси ҳалиям маълум эмас, чунки пудратчи ишини ўз муддатида битира олмади.

Лойиҳага жавобгар Anastia Gourmet Hostelería компанияси катта тажрибага эга бўлмаган ва уларнинг устав капитали бор-йўғи 3 минг еврони ташкил қилган. Дастлаб ресторан 2023 йилнинг декабрига қадар очилиши керак эди, бироқ пудратчининг айби билан очилиш бир неча бор қолдирилган. Дастлабки бюджет ҳам ошиб кетди: 4 миллион эвро сарфлаш режалаштирилган эди, лекин харажатлар 7 миллионга кўтарилди.

Йирик компаниялар бар-ресторанга сармоя киритдилар, жумладан Heineken ва Schweppes. Ҳар бири ишга туширишни молиялаштириш учун бир миллион эвродан кўпроқ маблағ ажратди. Бар кўп ойлар давомида очилмагани сабабли, охир-оқибат барча компаниялар аванслар қайтарилмагунча лойиҳада иштирок этмасликларини айтишди. Бироқ пудратчи инвестиция қилинган пулни қайтармаган, шу сабабли компания фирибгарликда гумон қилинган.


Кейинчалик Anastia активларининг 51 фоизи Гарсия-Делгадо инвесторлари гуруҳи томонидан сотиб олинди. У барда ишлашни ўз зиммасига олди ва компанияларга бир ой ичида 6 миллион евро беришга ваъда берди, аммо бу амалга ошмади. Муаммоли активдан халос бўлиш ва пул топиш учун инвесторлар Anastia компаниясини ким ошди савдосига қўйишди.


Вазиятдан ўта норози бўлган "Реал" компаниядан биноларни ихтиёрий равишда топширишни талаб қилди, шунингдек, компания вакилларининг "Бернабеу"га киришини тақиқлаб, шартнома бекор қилинганини эълон қилди. Бу эса, ўз навбатида, Anastia компаниясини хурсанд қилмади: у ўзига тегишли бўлган биноларни бошқаришга рухсат берилмагани учун "Реал"дан 15 миллион евро ундириш талабини қўйди.


Иш қандай якунланишидан қатъи назар, "Реал Мадрид" аллақачон бинолар учун мумкин бўлган харидорларни қидирмоқда, бу сафар йирик компанияларни кўриб чиқмоқда. Бар-рестораннинг потенциал даромади йилига 15 миллион еврога баҳоланмоқда, аммо клуб уни қачон ишга тушира олиши ҳозирча аниқ эмас.

Rating:    

Comments

championat.asia
< show latest news
Яндекс.Метрика