Рахим Стерлинг "Манчестер Сити" ўйинига 550та чипта сотиб олди
04 apr 2019 15:25
News

Рахим Стерлинг "Манчестер Сити" ўйинига 550та чипта сотиб олди

"Манчестер Сити" ярим ҳимоячиси Рахим Стерлинг "шаҳарликлар" ҳамда "Брайтон" ўртасида ўтказиладиган Англия Кубоги ярим финал ўйини учун 550та чипта сотиб олди.

24 ёшли футболчи "Уэмбли"да бўладиган учрашув чипталарини ўзи ўқиган мактаб болалари учун харид қилган. Бундан ташқари 550 нафар бола бу кунни унутмасликлари учун Стерлинг уларга транспорт ҳам ташкиллаштириб бермоқда. Бу ўйин учун "Манчестер Сити"га 25 000та чипта ажратилган.

Эслатиб ўтамиз, Ямайкада дунёга келган Рахим Стерлинг онаси билан Лондонга кўчиб ўтган ва 11 ёшида Лондондаги "Уэмбли" стадиони яқинида жойлашган мактабда ўқий бошлаган.

"Манчестер Сити" ҳамда "Брайтон" ўртасидаги Англия Кубоги ўйини 6 апрель куни 21:30да бошланади.

Link :

Source : mirror.co.uk

Receive latest football news directly on your phone. Subscribe for our Telegram channel!

Rating: +59