Рахим Стерлинг: "Гвардиола мени ўлдиради деб ўйлаганман"
27 mar 2018 21:28
News

Рахим Стерлинг: "Гвардиола мени ўлдиради деб ўйлаганман"

"Манчестер Сити" ҳужумкор ярим ҳимоячиси Рахим Стерлинг жамоа бош мураббийи Хосеп Гвардиола билан ишлаш ҳақида гапириб ўтди.

"Пеп сендан норози бўлса, буни айтади. Эслайман, бир сафар "Кристал Пэлас"га қарши ўйинда тўпни уч марта йўқотганман. Ўшанда Гвардиола кийиниш хонасида мени ўлдиради ва мен мавсум охиригача ҳам ўйнамайман деб ўйлаганман.

Бундай мураббийлар қаерда ноҳақ эканлигингни айтиб, ичингдаги бор қобилиятингни кўрсатиб беради. Олдин мен дриблинг ишлатаётганимда оёғимни ташқи томонидан кўп фойдаланардим, лекин бу нарса тўпни секинлаштирарди.

У сенга хатоларингни кўрсатади, гавдани қандай қилиб тўғри ишлатиш мумкин, ўйин темпини қандай қўллаш мумкин, яна кўплаб майда деталларни ўргатади", - деди Стерлинг.