Latest news

21:30Суперлига. "Насаф" – ОКМК 2:1 (матнли трансляция)  29 21:23Аморим жамоага тезкор футболчиларни олиб келмоқчи  0 20:54Суперлига. "Андижон" "Бобур Арена"да "Сурхон"ни енгиб ғалабасиз сериясига барҳам берди  43 20:19"Реал" Модричга ўринбосар топди  1 19:55Диалло МЮ мухлисларига ваъда берди  2 19:33Анчелотти: "Футбол ҳаёти шундай – вақти келиб ҳар қандай авлод кетади"  1 19:11"Насаф" мухлисларга 3 та соврин билан суратга тушиш имконини яратди  1 18:35Ўзбекистон Кубоги. 1/8 финал босқичига қуръа ташланди: "Қўқон-1912" ўз уйида "Бунёдкор"ни қабул қилади, "Навбаҳор" меҳмонда "Хоразм" билан ўйнайди  11 18:21"Реал" президенти: "Карло Анчелотти энди буюк Мадрид оиласининг абадий аъзосига айланди"  5 17:52Суперлига. 11-тур дисквалификациялари: "Насаф", "Нефтчи" ва "Андижон"да йўқотишлар бор  4 17:33УЕФА Европа Лигаси финалидан сўнг "Тоттенхэм"га медаллар етмай қолгани учун узр сўради  11 17:04Томас Тухель Андорра ва Сенегалга қарши ўйинлар учун Англия терма жамоасига чақирилган 26 нафар футболчи номини айтди. Улар орасида Тоуни ҳам бор  5 16:37Роналду Модричга мурожаат қилди: "Реал"да кўп лаҳзаларни сен билан баҳам кўриш мен учун шараф бўлган"  9 16:16Ўзбекистон кубоги. Бугун 1/8 финалга қуръа ташланади  1 16:05Перес: "Модрич "Реал" мухлислари қалбида мангу сақланиб қолади"  5

Равшан Ҳайдаров: “Терма жамоага танлаган йигитлар ҳар томонлама кучли бўлиши лозим” News

Равшан Ҳайдаров: “Терма жамоага танлаган йигитлар ҳар томонлама кучли бўлиши лозим”

U-20 Осиё кубогининг 1/4 финалидан ўрин олган Австралияга қарши учрашувдан сўнг Ўзбекистон терма жамоаси бош мураббийи Равшан Ҳайдаров ҳамда футболчи Аббос Файзуллаев матбуот анжуманида иштирок этди.

Ўйин ҳақида

Равшан Ҳайдаров: Авваламбор мухлислар орзиқиб кутган Жаҳон чемпионати йўлланмасини қўлга киритганимиз билан табриклайман. Матонатли баҳсда борлиғини бериб, жиддий курашда ғолиб бўлгани учун йигитларни табриклайман. 

Ўйинга келсак, Австралияга қарши танлаган тактикамиз ва режамиз иш берди. Футболчиларда характер борлиги, ажойиб атмосферада ўзида куч тополгани таҳсинга сазовор.

Аббосбек Файзуллаев: Ўзбек халқини ғалаба билан табриклайман. ЖЧ учун икки йил ишладик. Бу йўлда қийинчиликлар кўрдик, аммо бу самарасини берди. Бу йўлда ҳамма жонини берди. Рақибни яхши ўргандик, уларга қарши бошқача тактика қўлладик, бу иш берди. Йигитларга раҳмат, улар жонини бериб, охиригача ўйнади.

- Ғалаба учун раҳмат. Минимум вазифа бажарилди. Келгуси босқичда Корея ютгани маъқулми ёки Хитой?

(Равшан Ҳайдаров) - Рақиб танлаш нотўғри. Ушбу босқичга етиб келган барча жамоа кучли ҳисобланади. Бизга фарқи йўқ. Ким ютса, уларга қарши ўйинга тайёргарлик кўрамиз. Биз ЖЧга чиқдик, лекин яна олдинга қараб юришимиз лозим.

- Ғалаба билан табриклайман. У20 терма жамоасини ЖЧга олиб чиққансиз. Иккала терма ўртасида қандай фарқ бор?

- Ҳаётимда насиб қилган экан, иккинчи бор ЖЧга чиқдик. Бу ўзгача ҳис-туйғу саналади. 2015-йилги йигитлар ўша пайтларнинг энг кучлилари бўлган. Ҳозиргилар ҳам шундай характерга эга. Фарқи, бизнинг штаб катта тажрибага эга эмасди. Ҳозир шу тажрибалар қўл келиб, режалар асосисда олиб борганимиз учун зафар қучдик. Бу футболчиларга ўша йигитларни ўрнак қилиб кўрсатганмиз. Ўшанда ҳам Австралия билан курашда енггандик. Уларнинг кейинги фаолиятини ҳам мисол қилиб кўрсатганман. 

- Жаҳон чемпионатига чиқдингизлар, вазифа бажарилганидан сўнг, кейинги баҳслар учун мотивация юқолиб қолмайдими?

- Режамиз иш берди. Австралия жамоаси учун ноқулайлик яратдик. Бешта ҳимоячи бўлгани билан 3-4-3 схемасига ўтиб ҳам ҳаракатландик. Шунингдек, прессинг ҳам қилдик. Тўғри режа асосида ишладик. Тўғри, йигитлар кўп куч сарфлади. Рақибга қарши режа ишлаб чиққанда, иш беришига амин эдик. Интилганга толе ёр. Пенальтиларга ҳам тайёргарлик кўргандик. Ғалабага лойиқ эдик.

- Руҳий кучни (мотивацияни) қаердан оласиз?

А.Ф: Турнирдан аввал максимум вазифа қўйганмиз. Минимум вазифа бажараилди. Мақсадимиз — Осиё чемпиони бўлиш. Бу бизга мотивация беради. Ҳаётдаги энг муҳим нарса – оила. Оилам ўзимга мотивация беради. 

- Аббос бирга-бир вазиятдан уролмадингиз. Аммо руҳан синмадингиз. Бунга қайдай эришдингиз?

- Характер сабаб деб ўйлайман. Ҳаётда таслим бўлмаслик лозим. Йиқилган одам йиқилиб қолаверади. 

- Асосий вақтда кўп ўзгаришларга қўл урмадингиз. Бу ўйинни бузиб қўймаслик учун танланган тактикамиди? Мисол учун, Холдорхонов чарчаб қолгани сезилди...

- Ҳа. Мен аниқ иш берадиган ўзгариш амалга оширишга ҳаракат қилдим. Холдорхонов катта иш қилди, бироқ ортиқча ҳаракат билан ўзини қийнаб қўйди. Тўпни назорат қилишда ёмон ҳаракат қилмадик. Янги қўшилганлар ўйинга яхши киришиб кетди. Ўйлайманки, ўзгаришларни ўз вақтида амалга оширдик.

- Қўшимча бўлимларда кўп куч йўқотдингизлар. Бир кун эрта ўйнаш жамоага таъсир қиладими?

- Бизда тикланиш учун бир кун вақтимиз бор. Бу фойдамизга ишлайди. Биз 120 дақиқа ўйнадик, уларни эса қанча ўйнашини билмайман. Лекин буларга эътибор бермаслик лозим. Эртани ўйлашимиз лозим.

- Биринчи бўлимдан сўнг кийиниш хонасида кайият қандай эди?

Аббосбек Файзуллаев: Ўзимизга ишончимиз бор эди. Футбол 11 киши ўртасида ўйналади. Ўйиндан кейинги кайфият аъло даражада. Минимум вазифани бажариб, жаҳон чемпионати йўлланмасини қўлга киритдик. 

- Ўзбек футболида катта муаммо – руҳий ҳолат. Шу сабабли, кўп мундиалларни ўтказиб юборганмиз. Бугун эса жамоа гол ўтказиб юборгач, жамоа руҳан ўзини тиклай олди. Бунга қандай эришдингиз?

Равшан Ҳайдаров: Албатта, бу ёшда ўйинчилар руҳан тайёр бўлмаса, қийин бўлади. Бу йигитлар характер борлигини ўйинда кўрсатди. Бу борада ҳам алоҳида ишлаймиз. Терма жамоага танлаган йигитлар ҳар томонлама кучли бўлиши лозим. Ички муҳит ҳам катта роль ўйнайди. Бизда ҳаммаси ажойиб. Йигитлар бир-бирини ҳурмат қилади. Бугун шунга гувоҳи бўлдик. Нафақат бутун жамоа, балки ички муҳитда ҳам лидерларимиз бор. Уларнинг ўзи муаммоларини ҳал қила олади.

Rating: +36   

Comments

championat.asia
< show latest news
Яндекс.Метрика