Latest news

17:39Конференциялар Лигасининг асосий босқичига қуръа ташлаш натижалари эълон қилинди  0 17:15"Манчестер Юнайтед"нинг баъзи футболчилари Аморимнинг тактикасига шубҳа билан қарамоқда  2 16:50Европа Лигасига қуръа ташланди  3 16:26"Ньюкасл" "Барселона" ярим ҳимоячиси учун 100 миллион евро тўлашга тайёр  6 15:58Родриго "Реал"да қоладими?  2 15:28"Арсенал" "Байер" футболчисининг трансферини якунлади  2 14:57"Ал Иттиҳод" Педро учун 35 миллион евро таклиф қилди  5 14:35"Мамлакатимизда футбол ривожланмоқда, балки кейинги мундиалда иштирок этишимиз мумкин". Қирғиз Республикаси бош мураббийи иштирокидаги матбуот анжумани (тўлиқ)  1 14:02Аргентина терма жамоасининг бўлажак ўйинлар учун таркиби маълум  1 13:33"Реал" афсонаси: "Олмаотага учиш Нью-Йоркка учишдек гап"  15 13:04"Фенербахче" Моуриньюни бош мураббий лавозимидан озод этди  11 12:52Туркманистон бош мураббийи Ровшан Мередов: "Бу савол менга эмас"  17 12:23Тимур Кападзе ва Азизбек Турғунбоев иштирок этган матбуот анжуманида қандай фикрлар янгради? (Тўлиқ матбуот анжумани)  23 11:56Тимур Кападзе Паулу Бенту ҳақида фикр билдирди  35 11:44Карлуш Кейруш: "Бир неча йил аввал Ўзбекистон футболи "уйқу"да эди"  27

Равшан Ҳайдаров жаҳон чемпионатига борадиган таркибни эълон қилди News

Равшан Ҳайдаров жаҳон чемпионатига борадиган таркибни эълон қилди

Бугун, 11 май, душанба куни Ўзбекистон Футбол Федерацияси Президенти ҳузуридаги Мураббийлар Кенгашининг мажлиси бўлиб ўтди.
Ушбу мажлисда кун тартибидаги асосий масала ёшлар ўртасидаги Жаҳон Чемпионати ва унга Ўзбекистон ёшлар терма жамоасининг қай тарзда тайёрлангани, режалар ва мақсадлар борасида бўлди.

Мажлисда Ўзбекистон U-20 бош мураббийи Равшан Ҳайдаров сўз олиб, жамоасининг 30 май кунида бошланадиган мундиалга қай тарзда тайёргарлик кўргани ва бўлажак йиғинлар ҳақида маъуломот берди.

Таъкидлаб ўтиш жоизки, Жаҳон чемпионатига тайёргарлик доирасида Ўзбекистон ёшлар терма жамоаси олтита ўқув-машғулот йиғинларини ўтказиб, унда 13та ўртоқлик ва назорат учрашувлари ўтказди. Бу йиғинлардан Жаҳон чемпионатида иштирок этадиган футболчилар рўйхатини аниқлаб олиш ва футболчиларнинг жисмоний тайёргарлигини ошириш мақсадида фойдаланиди.

Кўп ҳолларда футболчилар ўзларидан катталар билан ўйнашди. Шунингдек, Уругвай, Португалия, Янги Зеландия каби терма жамоалар билан ўйинда Ўзбекистон ёшлар терма жамоаси ўз тенгдошлари билан куч синашди.

“Менимча, яхши ўйинлар бўлди ва бизга катта фойда берди. Гарчанд терма жамоанинг асосии сифатида Жаҳон чемпионатига йўлланма олган жамоа таркиби олинган бўлса-да, биз йиғинларда янги футболчиларни, янги номзодларни ҳам кўздан кечирдик. 45 нафар футболчидан биз 26 футболчини танлаб олдик. Улардан 21 нафари Жаҳон чемпионатига борадиганлари бўлса, 5 футболчи заҳира рўйхатига тушди. Футболчиларнинг географияси ҳам кенг – “Бунёдкор”дан 10, “Пахтакор”дан 7, “Насаф” 3, “Локомотив” 2 футболчи билан рўйхатга кирган. Рўйхатда Навоий, Наманган, Тошкент, Фарғона, Қашқадарё, Сурхондарё, Андижон вилоятларидан, шунингдек, пойтахт Тошкентлик футболчиларнинг борлиги селекция ишлари Республика бўйлаб амалга оширилганига ишора”, дейди Равшан Ҳайдаров.

Таркибда бу йили ўз клублари билан Осиё чемпионлар лигасида ўйнаб, катта тажриба тўплаган янги лидерлар бор. Масалан, “Пахтакор”дан Жавоҳир Соҳибов, “Насаф”дан Одилбек Ҳамробеков, “Бунёдкор”даги Акрам Комилов, Отабек Шукуров, Элдор Шомуродов ва Забиҳилло Ўринбоев кабилар ана шулар жумласидандир.

Жаҳон чемпионатига тайёргарликнинг сўнгги босқичини 3 майда бошланди. Ушбу йиғиннинг биринчи босқичи 6 майгача давом этиб, унда Қирғизистон олимпия терма жамоаси билан куч синашилди ва унда 2:2 ҳисобидаги дуранг қайд этилди.

Иккинчи босқич 11 майдан 20 майгача Тошкентда давом этади ва унда “Оқтепа” футбол клуби билан назорат ўйини ўтказишни режалаштирилган.

20 май куни Ўзбекистон ёшлар терма жамоаси Янги Зеландияга учиб кетади. 22 май куни жамоа Янги Зеландияга етиб боради.

28 майгача Веллингтонда йиғин ўтказилади. 24 май куни Веллингтонда Панама билан ўртоқлик учрашуви ўтказилади. 28 май куни эса гуруҳ ўйинларига тайёргарлик кўриш учун жамоа Крайстчерч шаҳрига учиб кетади.

Аввалроқ, U-20 ёшлар ўртасидаги Жаҳон Чемпионатида Ўзбекистоннинг ўйинлар тақвимини келтириб ўтгандик.

Қуйида Ўзбекистон U-20 терма жамоасининг 11-20 май кунларидаги йиғинига чақирилган ва Жаҳон Чемпионатига борадиган футболчилар рўйхатини келтириб ўтамиз.

Дарвозабонлар:
Дилшод Ҳамроев (“Қизилқум”)
Ботирали Эргашев (“Пахтакор”)
Сарвар Каримов (“Локомотив”)

Ҳимоячилар:
Рустам Ашурматов (“Бунёдкор”)
Акромжон Комилов (“Бунёдкор”)
Аббосжон Отахонов (“Пахтакор”)
Иброҳим Абдуллаев (“Пахтакор”)
Нажмиддин Нормуродов (“Насаф”)
Одил Ҳамробеков (“Насаф”)
Достон Турсунов (“Нефтчи”)

Ярим ҳимоячилар:
Жавоҳир Соҳибов (“Пахтакор”)
Жавоҳир Сиддиқов (“Пахтакор”)
Тимур Толипов (“Пахтакор”)
Отабек Шукуров (“Бунёдкор”)
Сардор Азимов (“Бунёдкор”)
Миржамол Қосимов (“Бунёдкор”)
Хуршид Ғиёсов (“Бунёдкор”)

Ҳужумчилар:
Достон Ҳамдамов (“Бунёдкор”)
Забихулло Ўринбоев (“Бунёдкор”)
Элдор Шомуродов (“Бунёдкор”)
Равшан Хурсанов (“Пахтакор)

Захирадагилар:
Дарвозабон: Шерзод Абдураимов ("Цементчи")
Ҳимоячи: Эргаш Исмоилов ("Бунёдкор)
Ярим ҳимоячи: Дониёр Нарзуллаев ("Насаф")
Ҳужумчилар: Аслиддин Абдиев ("Машъал"), Темур Усмонов ("Локомотив")

Таъкидлаш керакки, 18 май, душанба куни соат 12:00да Ўзбекистон ёшлар терма жамоаси бош мураббийи Равшан Ҳайдаров ҳамда жамоа яримҳимоячиси Жавоҳир Соҳибов иштирокида матбуот анжумани бўлиб ўтади.
Rating:    

Comments

championat.asia
< show latest news
Яндекс.Метрика