Равшан Ҳайдаров: «Мусобақани яхши бошлаш - катта синов»

Айни дамда Янги Зеландиянинг Окленд шаҳрида бўлиб турган терма жамоа мураббийи Германияни гуруҳ фаворити дея баҳолаган бўлса, қолган уч жамоанинг имконияти тенг эканлигини айтди.

«Қуръа қониқарли ўтди», - дейди Равшан Ҳайдаров. «Бизнинг гуруҳимизга Европа чемпионлари - Германия тушди. Қоғозда Германия гуруҳ фаворити, қолган уч жамоа - Ўзбекистон, Фижи ва Гондурас, фикримча, тенг кучга эга жамоалар ҳисобланади. Турнирдаги биринчи ўйин, ҳам бизга, ҳам биринчи ўйиндаги рақибимиз Гондурасга қийин бўлади деб ўйлайман. Чунки, мусобақани яхши бошлаш катта синов ва биз кучли жисмоний ва руҳий тайёргарлик орқали бу синовдан ўтамиз деб ўйлайман. Эртага Ўзбекистон гуруҳ ўйинлари давомида яшайдиган шаҳарга бориб, стадион, меҳмонхона, машғулотлар майдонларини кўриб, кейин Тошкентга қайтамиз», - деб сўзини якунлади Ҳайдаров.