Равшан Эрматов Иссиқкўлда дам олмоқда (фото)
26 jul 2018 21:55
News

Равшан Эрматов Иссиқкўлда дам олмоқда (фото)

Ўзбекистонлик ФИФА рефериси Равшан Эрматов таътилни Иссиқкўлда ўтказмоқда.

Эрматов Қирғизистонга Абдуҳамидулло Расулов, Шерзод Қосимов ва Санжар Шоюсупов каби ҳакамлар ҳамда отаси назоратчи Сайфиддин Эрматов билан бирга келди. Уларни собиқ қанот ҳаками Баҳодир Қўчқоров меҳмон қилмоқда.

«Равшан 10 йилдан буён мунтазам равишда Иссиқкўлга келади. Бу чиройли анъанага ҳам айланиб қолди. Бу йил у оиласи ва яқинлари билан келди. Жами 35 нафар одам», - дейди Қўчқоров Sport АКИpress нашрига.

Эрматов Россиядаги мундиалда иккита ўйинда ишлаб ўзининг Жаҳон чемпионатларидаги ўйинлари сонини 11тага етказиб олди. Бу дунё рекорди ҳисобланади.