Равшан Эрматов: "Футзал терма жамоамизга омад тилайман"

"Хабарингиз бор, февраль ойи бошида Тошкентда футзал бўйича Осиё чемпионати бўлиб ўтади. Ушбу мусобақадан олдин турли соҳа вакиллари йиғилиб футзал ўйнаб кўрдик. Ҳакамлар, юристлар, суд ходимлари, журналистлар, актёрлар ва бошқа соҳа вакиллари бир бирларига қарши майдонга тушишди. Футбол миллионлар инсонларни бирлаштирувчи спорт ҳисобланади. Шу боис бундай мусобақаларни янада кўпроқ ташкил этиш, уни анъанавий тарзда ўтказиб туриш мақсадга мувофиқ бўлади деб ўйлайман. Ман бугун кўплаб ёшлар келиб ўйинларни томоша қилишди, улар соғлом турмуш тарзини танлашаётганидан барчамиз хурсандмиз. Бундай ўртоқлик мусобақаларида ғолиб ёки мағлуб бўлмайди.

Осиё чемпионати орқали Жаҳон чемпионатига йўлланма қўлга киритилиши мумкинлигини биламан. Албатта, барчамиз Ўзбекистон футзал терма жамоасига омад тилаймиз", - дейди Равшан Эрматов.