Расмий хабар: Ўзбекистон миллий терма жамоаси Ливан билан ўртоқлик учрашуви ўтказади
28 jan 2016 14:45
News

Расмий хабар: Ўзбекистон миллий терма жамоаси Ливан билан ўртоқлик учрашуви ўтказади

Самвел Бабаян бошчилигидаги Ўзбекистон миллий терма жамоаси февраль ойида қисқа муддатли йиғин ташкил қилади.

12 — 15 февраль саналарида ташкил этиладиган қисқа муддатли йиғин давомида битта ўртоқлик учрашуви ўтказиш режалаштирилган. Ушбу назорат ўйини 14 февраль куни Ливан терма жамоасига қарши, Дубай шаҳрида бўлиб ўтади.

Таъкидлаш керакки, Ўзбекистон миллий терма жамоасининг навбатдаги расмий ўйинлари Жаҳон чемпионати-2018 иккинчи саралаш босқичи доирасида март ойида бўлиб ўтади. Бабаян шогирдлари 24 март куни Филиппини, 29 март куни эса Бахрайнни Тошкентда қабул қилади.

Айни вақтда Ўзбекистон миллий терма жамоаси иккинчи саралаш босқичида 6 ўйиндан кейин 15 очко тўплаган ҳолда, “H” гуруҳида иккинчи ўринни эгаллаб турибди. Биринчи ўриндаги КХДР терма жамоаси ҳисобида 7 ўйиндан кейин 16 очко бор.

Link :

Source : the-uff.com

Receive latest football news directly on your phone. Subscribe for our Telegram channel!

Rating: -29