Расмий хабар: Ўзбекистон Coca Cola Кубоги финалида VAR тизимидан фойдаланилади
18 dec 2020 17:01
News

Расмий хабар: Ўзбекистон Coca Cola Кубоги финалида VAR тизимидан фойдаланилади

Ўзбекистон Coca Cola кубоги-2020 финал учрашувида VAR тизимидан фойдаланиш бўйича ЎФA ҳамда ФИФA мутахассисларининг ўзаро музокаралари ижобий якун топди.

Тизимдан фойдаланиш бўйича ФИФA VAR платформасига зарур меъёрий ҳужжатлар ўз вақтида юкланди. Шунингдек, видео ёрдамчи ҳакамлар бригадасининг Ўзбекистон U20 аёллар терма жамоаси ва “Пахтакор-W” вакиллари ўртасидаги ўртоқлик учрашувида қайд этган натижалари ҳисоботи ФИФA томонидан қабул қилинди.

Натижада ФИФA Наманган шаҳрида ўтадиган Ўзбекистон Coca Cola кубоги-2020 финал учрашувида VAR тизимини қўллашга рухсат берди.

ЎФA Ҳакамлар ва назоратчилар бўлими ушбу баҳсга қуйидаги ҳакамлар бригадасини ВAР учун масъул этиб белгилади.

VAR ҳаками: Aзиз Aсимов
VAR ёрдамчи ҳаками: Тимур Гайнулин
VAR назоратчиси: Фарҳод Aбдуллаев

Link :

Source : pfl.uz

Receive latest football news directly on your phone. Subscribe for our Telegram channel!

Rating: +12