Расмий хабар: "Навбаҳор" - "Қўқон-1912" учрашуви Тошкентда ўтади, унинг вақти ўзгарди
06 mar 2019 13:45
News

Расмий хабар: "Навбаҳор" - "Қўқон-1912" учрашуви Тошкентда ўтади, унинг вақти ўзгарди

Tags : Навбаҳор Қўқон-1912

"Навбаҳор" матбуот хизмати Суперлиганинг 1-тур доирасидаги “Навбаҳор” – “Қўқон - 1912” учрашуви Фарғонадаги “Истиқлол” стадионида ўтказилиши хусусида хабар берганди.

Мазкур “водий дербиси” Тошкент шаҳрига кўчирилди. “Навбаҳор” – “Қўқон - 1912” жамоалари баҳси Тошкентдаги ТТЙМИ стадионида бўлиб ўтади. Бу ҳақда "Навбаҳор" клуби расмий сайти хабар берди.

Хабарда ёзилишича, водий дербиси 10 март куни соат 15:00 да бошланади.

ПФЛ бу ўйин соат 16:00да бошланиши ҳақида хабар тарқатган эди. 10 март куни соат 14:00да Термизда "Сурхон" - "Металлург" ўйини бошланиши режалаштирилган. Демак ёки Термиздаги, ёки Тошкентдаги баҳс СПОРТ ТВ орқали жонли олиб берилмайди.