Расмий хабар: Давид Алаба «Реал» билан 5 йиллик шартнома тузди
28 may 2021 21:21
News

Расмий хабар: Давид Алаба «Реал» билан 5 йиллик шартнома тузди

Ҳимоячи Давид Алаба фаолиятини «Реал»да давом эттиради.

Австриялик футболчи Мадрид клуби билан 5 йилга мўлжалланган шартномага тузди.

Олдинроқ Алаба «Реал»да йилига 12 миллион евро маош олиши ҳақида хабарлар чиққанди. Алаба «Бавария»да 12 йил ўйнади ва Мюнхен клубини эркин агент сифатида тарк этди.

«Бавария» сафида Алаба 10 марта Германия чемпиони бўлди, олти бор мамлакат кубогини ва беш марта Германия Суперкубогини қўлга киритди. Ҳимоячи икки бор ЕЧЛ ғолиби, УЕФА Суперкубоги ва клублар ўртасидаги Жаҳон чемпиони бўлган.