Расмий хабар. Дарко Станоевич "Нефтчи" футболчиси
21 jan 2021 18:02
News

Расмий хабар. Дарко Станоевич "Нефтчи" футболчиси

Янги футбол мавсумига қизғин тайёргарлик олиб бораётган "Нефтчи" жамоасининг трансфер соҳасидаги фаолияти давом эттирилмоқда.

Бугун клуб ихтиёрига мамлакатимизнинг "Навбаҳор", АГМК, "Сурхон","Машъал" сингари жамоаларида легионер мақомида ёрқин ўйинлари билан ном қозонган сербиялик тажрибали ҳимоячи Дарко Станоевич келиб қўшилди ва шу куннинг ўзида футболчи билан расмий шартнома имзоланди. Куннинг иккинчи ярмида тажрибали ҳимоячи "Нефтчи"нинг ўқув-йиғин машғулотларидаги ҳаракатини бошлаб юборди.

Айтиб ўтиш жоизки, яқин кунларда жамоага яна бир тажрибали легионер ҳужумчининг келиб қўшилиши кутилмоқда.