Расмий хабар: Азим Аҳмедов – "Турон" футболчиси

 "Хусусан, бугун Ўзбекистон миллий терма жамоасига номзод футболчи Азимжон Аҳмедов жамоамиз сафига қўшилди. Тажрибали футболчи ва клубимиз ўртасида бир йиллик муддатга мўлжалланган расмий шартномага имзо чекилди.

Маълумот учун, Азимжон Аҳмедов бугунга қадар "Навбаҳор", "Пахтакор" клубларида, шунингдек Ўзбекистон миллий терма жамоаси сафидаги ўзининг ёрқин ўйинлари билан футбол мухлисларининг меҳрини қозонган. 

Клубимиз вакиллари ва барча футбол мухлислари номидан Азимжон Аҳмедовнинг жамоамиздаги фаолиятида муваффақиятлар ёр бўлишини тилаб қоламиз",- дея хабар беради клуб матбуот хизмати.  

Аввалроқ Азим Аҳмедовнинг "Турон"га ўтаётгани ҳақида сайтимиз орқали хабар берган эдик. 

Эшитдик-да! Азим Аҳмедов янги мавсумни қаерда бошлаши маълум