Расмий хабар: Анваржон Ғофуров "Нефтчи"га қайтди
28 dec 2022 16:58
News

Расмий хабар: Анваржон Ғофуров "Нефтчи"га қайтди

Бугун "Нефтчи" клуби раҳбарияти навбатдаги трансферни амалга оширди.

Ўтган мавсумнинг биринчи даврасида "Нефтчи" шарафини ҳимоя қилган тажрибали ҳимоячи, фарғоналик Анваржон Ғофуров жамоа билан шартнома имзолади.

Маълумот ўрнида, Ғофуров ўтган мавсумни биринчи даврасида "Нефтчи"да ўтказиб, иккинчи даврда Бекабоднинг “Металлург” жамоасида ҳаракат қилди. Ҳимоячи ўтган мавсум мобайнида Суперлиганинг 23 та учрашувда майдонга чиқиб, 2058 дақиқани майдонда ўтказди.

Championat.asia сайти 15 декабрь куни Ғофуров "Нефтчи"га ўтиши кутилаётгани ҳақида хабар берганди.