Расмий хабар: Саидов ва Ёқубов “Нефтчи”га қайтди
20 dec 2014 12:18
News

Расмий хабар: Саидов ва Ёқубов “Нефтчи”га қайтди

Янги мавсумга пухта тайёргарлик кўришни ўз олдига мақсад қилиб қўйган “Нефтчи” шунга монанд таркибни кучайтиришга эътибор қаратмоқда.

Бу борада энг аввало маҳаллий ўйинчиларни таркибга жалб этиш режалаштирилган.

Хусусан “Нефтчи” сафида ёрқин ўйинлари билан мухлислар эътирофини қозонган Мансур Саидов ва Бахтиёр Ёқубовни яна жамоага қайтариш ниятида улар билан клуб раҳбарияти музокара ўтказди. Унга кўра жорий мавсум “Навбаҳор” шарафини ҳимоя қилган ушбу футболчилар яна Фарғона жамоасида ўйнайдиган бўлди.

Клуб раиси Тоҳир Кападзенинг маълум қилишича, Саидов ва Ёқубов билан бир йиллик шартнома имзоланган. Шу боис ҳар иккала футболчи ҳам айни дамда жамоанинг ўқув-йиғин машғулотларида иштирок этмоқда.

Табиийки трансфер ойнасидаги ушбу дастлабки ҳаридлар ишқибозларимизни қувонтириши аниқ.

Link :

Source : fcneftchi.uz

Receive latest football news directly on your phone. Subscribe for our Telegram channel!

Rating: