Расман: Суннатилла Поёнов "Сурхон" футболчисига айланди

"Энди асосий таркибимизда рақобат янада кучаймоқда. Жамоамиз сафига иқтидорли қанот ҳимоячиси Сунатилло Поёнов қўшилди. 20 ёшли футболчи ўтган мавсум ижара асосида "Қўқон-1912" жамоасида ўйнаб, Суперлига йўлланмасини олишда катта ҳисса қўшди. Шунингдек, 2024 йилда айнан унинг голи "Қўқон-1912"да йилнинг энг чиройли голи деб топилди.

Суннатилла Поёнов

Туғилган санаси: 2004 йил 16 июнь

Амплуаси: чап қанот ҳимоячиси

Ўйнаган клублари: "Пахтакор", "Қўқон-1912"

Маълумот учун, Поёнов ўтган мавсумнинг биринчи қисмида "Пахтакор" сафида 3 та учрашувда майдонга тушган. Иккинчи даврани эса "Қўқон-1912" жамоаси сафида ижарада ўтказган ва Про лигада 13 та баҳсда майдонга тушиб, 1 та гол урган.

Аввалроқ Термиз жамоаси "Пахтакор" чап қанот ҳимоячиси Суннатилла Поёновни қўлга киритаётгани ҳақида хабар берган эдик.