Расман: Роналдунинг беш ўйинлик дисквалификацияси ўз кучида қолди, апелляция рад этилди
16 aug 2017 20:47
News

Расман: Роналдунинг беш ўйинлик дисквалификацияси ўз кучида қолди, апелляция рад этилди

Испания Қироллик футбол Федерацияси апелляцион қўмитаси «Реал»нинг мурожаатини рад қилди.

Мадрид клуби Криштиану Роналдуга берилган 5та ўйинлик дисквалификацияни камайтиришга уринганди. Футболчи Испания Суперкубоги учун «Барселона»га қарши ўйинда (3:1) қизил карточка олгач бош ҳакам Рикардо Бенгоэчеани туртиб юборганди.

Апелляцион қўмита бешта ўйинлик дисквалификацияни ўз кучида қолдирди. Роналду «Барселона»га қарши Суперкубок жавоб баҳсини ўтказиб юборади. Шунингдек у примеронинг дастлабки тўртта турида («Депортиво», «Валенсия», «Леванте» ва «Реал Сосьедад» билан ўйинларда) жамоасига ёрдам бера олмайди.